كتب - محمد عماد - لا أعرف بماذا أبدأ هذه الواقعة التى حدثت معى بالفعل فى أحدى شوارع السيدة زينب- فى ظهر يوم الجمعة- كنت أزور جدتى بمناسبة عيد الأم , وأذا بوالدى يطلب منى الذهاب الى " المكانيكى " لأصلاح سيارتى لقربه من السيدة زينب و أذا بى و أنا أسير بسيارتى أوفاجىء بسيارة التى أمامى تقف فجأة دون تحذير أو أنذار و لكننى و الحمد لله عرفت أن أفاديها ولكن تعجبت لماذا توقفت ؟ ولكنى عرفت الاجابة عندما أصبحت خلفى , أذا بسيدة فى مقتبل عمر الشيخوخة تجلس فى وسط الطريق ضاربة بعرض الحائط جميع الناس الذين يحاولون جذبها من وسط الطريق و هى تردد جملة "" مش عايزين يدونى حتة لحمة "" و أذا بى أضحك و أساعد الناس لقيامها و لكن دون فائدة .
و بعد أن قامت ركبت سيارتى و بدأت أفكر لماذا فعلت هذه السيدة ذلك؟ , لماذا عرضت نفسها لهذه المخاطرة؟ و كانت من الممكن أن يلقى حتفها , و كانت الاجابة مثل باقى الناس " دى ولية مجنونة""
و لكنى فكرت مليئا , ماذا لو لم تكن مجنونة ؟ أهى فى أشد الحاجة الى الغذاء ؟ و أين الناس فى ذلك أليس هناك أناسا رحماء يعطوها ""أنشا الله حتة جبنة مش لحمة""
ماذا لو قلت لهذة السيدة أن هناك أناسا يدفعون أموالا طائلة لكى يطعمون كلابهم أو قطتهم و يأخذنوهم الى أحسن طبيب بيطرى "" ألى كشفوا أغلى من كشف البنى أدمين أصلن "" أعتقد هنا و فى هذه الحالة سوف ترمى نفسها تحت عجلات السيارة و لن تكتفى بجلوس أمامها
هنا وجدت الأجابة الصحيحة وهى -نحن- نعم نحن السبب لن أقول الحكومة أو الظروف الأقتصادية أو السياسية فقط أنما نحن الذى دفعنا هذه السيدة لذلك و رحم الله الشيخ محمد متولى الشعراوى حين قال "" لو كل مسلم دفع زكاة ماله بالحق , فلن تجد فقيرا مسلما فى العالم

حوار مع شهيد

فى يوم عادى من ايامى العادية وانا فى غرفتى لوحدى بمارس هوايتى المفضلة و بقرأ كتاب ومستغرقة فى القرأة
فجأة!!!!
لقيت صوت بيتكلم و بيقول " ممكن لحظة لو سمحتى "
فضلت ابص جمبى و ورايا مش لاقية حد انا لوحدى بس متأكدة انى سمعت صوت
قولت اعوذ بالله من الشيطان يمكن بتخيل رجعت ركزت فى الكتاب تانى
سمعت الصوت تانى " لو سمحتى ممكن تبصيلى ثوانى "
و فجأة لقيت قدامى واحد !!!!!!!!!!!!!!!!!!!
من الصدمة كل مافيا اتجمد حتى صوتى ولا قدرت اصرخ و فضلت واقفة بصالوا و عايزة اقول انت مين ؟؟؟؟؟؟ بس صوتى مش طالع
فهو قالى ما تتخضيش كدة
انا شهيد من شهداء 25 يناير وجاى اسألك كام سؤال وماشى عالطول
قلتلو :شهيد !!!!! و اتخضيت اكتر ماكنت مخضوضة
قالى: اة انا شهيد و لية اتخضيتى كدة
قلتلوا : اصل اول مرة اشوف حد ميت !!
قالى : ومين قالك انى ميت "وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ . فَرِحِينَ بِمَا آَتَاهُمُ اللَّهُ مِنْ فَضْلِهِ " فأنا مش بعتبر نفسى ميت
قلتلوا : والله عندك حق ياريتنى اموت شهيدة ..اللهم ارزقنا الشهادة
قالى: اللهم امين ..دة احلى حاجة ممكن تحصل لاى بنى ادم انو يموت فى سبيل هدف و اعظم حاجة انو يموت عشان بلدوا واهلوا و ناسوا عشان كدة انا فرحان انى موت فى الثورة و مش بعتبر نفسى موت
............وكانت على وجهة ابتسامة رضا مشفتش زيها فى حياتى .....قالى : المهم عشان ماطولش عليكى انا جاى اسألك كام سؤال
قلتلو :اتفضل اكيد
قالى : اهلى اية اخبارهم حد بيسأل عليهم حد بيساعدهم ؟؟؟اصل كنت انا العائل الوحيد ليهم وهما كانوا معتمدين عليا فى الاكل و الدواء و مصاريف اخواتى
قلتلو : ( وانا مش عارفة اودى وشي فين من الكسوف)..........بص والله انا سمعت انهم بينشأوا صندوق لرعاية اهالى الشهداء و مصابى الثورة
قالى : سمعتى ؟؟؟ ولسة بينشئوا ؟؟؟ افهم من كدة ان اهلى بعد ماسبتهم مالقوش حد يصرف عليهم !!!
لحظة صمت مع نظرة مليانة لوم و عتاب منو ليا .. وانا واقفة ولا عارفة اقول حاجة
قالى : طيب ربنا يتولاهم انشاء الله , طيب اية اخبار الثورة مكملين فيها ايد واحدة زى ما كنا ؟؟
قلتلوا : والله هو دلوقتى فى ناس الدستور اولا و ناس الانتخبات اولا و ناس اعتصام لاء و ناس اعتصام اة و رجعنا نقول اخوان و سلفيين و ليبراليين وحتى فى التحرير كل حزب بقى لية منصة و لية طلبات مختلفة
قالى : معقول !!!!!!! معقول الى بتقولية دة !!!!!!!!!! دة كان سر نجاح الثورة ان كانا كنا حاجة واحدة وكنا بنقول " الشعب يريد " كنا ارادة واحدة ...لحقوا يفرقونا لحقنا نبقى احزاب دة انا قولت ععمرنا ما هنرجع لورا تانى !!!
طيب البلد بقيت احسن ؟؟
قلتلو: زى ماهى......لسة ناس بتاخد رشاوى لسة ناس مش لاقيين عيش لسة الشباب قاعدة على القهوة ضيف على كدة حالة فوضى و بلطجة
قالى : اية الى بتقولية دة ؟؟ انتى متأكدة انك بتكلمى على مصر ؟؟؟اللى حصل فيها ثورة 25 اللى فيها ميدان الشهداء ميدان التحرير ؟؟
قلتلوا : اة للاسف هية
قالى : لاحول ولا قوة الا بالله ... طيب مبارك و جمال و احمد عز ...اتحكم عليهم بأية
قلتلوا : لسة ماتحاكموش اصلا
قالى :اييييييييييية ازاى دة فات 6 شهور
قالى : طب العادلى
قلتلوا : خد 5 سنين
قالى :هى تهمة القتل بقيت 5 سنين ؟؟
قلتلوا : ماهو ماتحاكمش لسة على قتل المتظاهرين
قالى : لاحول ولا قوة الا بالله ... طيب الظابط الى قاتلنى ؟؟
قلتلوا : " وانا بحاول استجمع قوتى كلها عشان اقدر اقول " لاء دول بئة خدوا برأة
لحظة صمت طويييييييييييييييييلة ...
بعدها لقيت عنيه كلها دموع و قال
"ياخد برأة بعد ماقتلنى ...يأخد برأة بعد ما قتل اصحابى ...ياخد برأة بعد ما شفتو مصوب البندقية نحيتى و عنيه كلها شر و بيقولى ابقى خلى الثورة و المظاهرات تنفعك بعد ماخد عمرك .."
"مصر ماتبقاش احسن ولا الثورة تكمل ولا اهلى حد سأل عنهم ولا بيساعدهم .. هى دى البلد الى ضحيت بحياتى عشان تبقى احلى ..هما دول الناس الى ضحيت عشانهم بعمرى عشان حياتهم تبقى احلى ولا بيجبولى حقى من الى قاتلنى ولا بيسألوا على اهلى "
"انا دلوقتى بس حسيت انى موت انا دلوقتى بس حاسس انى ندمان ...يخسااااااااااااااااااااااااااااااارة "
------------طبعا دة مش حقيقى و دة الى تخيلتوا لو حصل حوار بينى و بين حد من الشهداء هنقولوا اية ؟؟؟ هو عمل اقصى حاجة ممكن حد يعملها ضحى بحياتة
احنا عملنا اية بقى ؟؟... ولا اهلوا عارفين هما عامليين اية فى كتير من الشهداء كانوا هما مصدر الفلوس الوحيد لاهلهم
ولا جبنلهم حقهم
ولا حتى خلينا البلد الى ضحوا عشنها احسن
يعنى شعار " ياشهيد نام وارتاح واحنا نكمل الكفاح " دة كان اى كلام
انا بعد ما تخيلت الحوار دة نزلت التحرير وكتيت لوحة كبيرة "حاكموا قتلة الشهداء او الحقونا بهم لاننا لن ننساهم " و خدت عهد على نفسى مش هيبقى مجرد شعار دة هيبقى فعل .لأن دة المفروض يبقى تصرف كل واحد مصرى

بنت باتت فى غرفة شاب ليلة كاملة !!

فى يوم مدرسة عملت رحلة علمية لمنطقة فى الصحراء فيها اثار
رحلة استكشافية لتنمية روح الاستكشاف عند الطلبة
والمدرسة دى كانت مدرسة بنات
بنت من البنات دى كانت من هوايتها معرفة الكثير عن الاثار
ف قاعدت تتفرج على الاثار وفجأة بتبص حواليها مالقتش لا اصحبها ولا المدرسين
قعدت تجرى ...تجرى لحد المكان الى اتفقوا هيتقابلوا فية فى نهاية الرحلة
بتبص مالقتش حتى اتوبيس المدرسة !!!!!
قاعدت تعيط وتندة كتير بس لا حياة لمن تنادى كانت المنطقة شبه مهجورة
فقعدت تمشى وهى خايفة ولدنيا ضلمت عليها وهى فى الصحرا لقيت نور جاى من بعيد
ف جريت فى اتجاة ...لقيتوا بيت صغير
فقعدت تخبط على الباب
ففتحلها شاب فى العشرنيات من عمرة
فقالتلوا :انا تايها هنا عايزة ارجع اركب منين ؟؟
قالها : مفيش موصلات هنا بليل بيشتغلوا الصبح بس
قالتلوا :طب هعمل اية .انا تايها وخايفة
قالها : اية الى جابك هنا دى منطقة مهجورة؟؟؟؟؟ وانا لولا انى بشتغل فى شركة محمول لازم اجى هن اركب شبكات تقوية ارسال ,ماكنتش هاجى !!
قالتلوا : انا جيت فى رحلة مع المدرسة
قالها : طب الحل الوحيد انك تباتى هنا معايا لحد الصبح واوصلك !!
وهو بيته كان ععبارة عن غرفة واحدة
فقالتلوا : ماينفعش !!
قالها : انا هنام على الارض وانتى على السرير عشان مينفعش ابقى برة البيت فى ذئاب بيبقوا بليل فى المنطقة دى و انا لازم احتمى منهم جوا
فوافقت البنت .. فنام على الارض و كان مولع شمعة قدامة و بيقرا كتاب وهى عملت نفسها نايمة و فضلت مرقباه من كتر خوفها
وفجأة لقيتوا ساب الكتاب وفضل باصص للشمعة
وبعدين حط صباعوا على نار الشمعة وعمل كجة فكل صوابعوا
فهى استغربت اوى الموقف بس كاتكلمتش من كتر خوفها
هى قالت انة اكيد هو جن و بيعمل طقوس دينية ..ومن كتر خوفها فضلت صاحية لحد ما الشمس طلعت
وراحت ماشية
رجعت لاهلها قاعدت حاكتلهم على الى حصل وعلى الشاب الغريب
فباباها ارتاب فى امرة فقلها تقولو المكان بالظبط وانا هاروح اشوف الحكاية
وبالفعل...
راح باباها على انة عابر سبيل ..وخبط على الباب وفتحلوا الولد وكانت المفجأة انة لاقاة رابط ايدية !!
فقالوا : السلام عليكم , انا تايهة هنا يابنى ممكن تودينى لاقرب حتى اركب منها
قالوا : اكيد انشألله تالى معايا
وهما فى الطريق .....
قالوا : ممكن اسألك سؤال يابنى
قالوا : اكيد اتفضل
قالوا : انت لية رابط ايدك كدة
قالوا : اصل امبارح جاتلى بنت كانت تايها و باتت عندى لحد الصبح وانا اعجبت بيها جدا كانت فائفة الجمال و انا كأى شاب الشيطان فضل يوسوسلى طول اليل . فافكرت ان كل مايوسوسلى احرق صوباع من ايدى عشان افتكر عذاب جهنم وابعدوا عن تفكيرى
ف ابوا البنت اعجب بية جدا وقرر يزوجوة لبنتة
ولما عرف الولد ان دة والد البنت الى اعجب بيها وكان فاقد الامل انوا حتى يشوفها تانى دة حتى مايعرفش اسمها .. وان كمان بابها قرر يزوجهالوا
قال فعلا .. من ترك شئ لله عوضة الله احسن منة فبدل من ان احظى بها ليلة فى الحرام سأحظى بها العمر كلة فى الحلال ..كم انت كريم يا الله


)منقولة(

الانتخبات اولا ...الدستور اولا ؟؟؟

الانتخبات اولا .........................................
الدستور اولا ..........................................
هو احنا مينفعش نكمل ايد واحد على طول
لازم نيجى عند اول محطة ونتفرق ..نطلع اى حاجة تفرقنا
الدستور اولا ولا الانتخبات اولا دى حاجة حسمها الاستفتاء ومينفعش نتكلم فيها تانى
حرام نضيع روح الثورة حرام يضيع منا روح الايد الواحدة
كل واحد يحس ان ام الشهيد مستنياة يجبلها حقها وحق ابنها زى ماهو مات وسبها عشان حقوقنا احنا

ولا يمكن حق الشهداء هيرجع طول ما احنا بنتخانق دستور ولا انتخبات .. دلوقتى بتخانق مين الاول وبعد شوية نتخانق على مواد الدستور وبعديها نتخانق على مرشحين الرئاسة ومين هو الرئيس
....وسلملى بقى على ام الشهيد
ولا دستور اولا ولا انتخبات اولا
حق الشهيد اولا !!!!!!!!

الحجاب

الحجاب فريضة لا ينكرها الا جاحد !!
وهو ايضا حرية شخصية للفتاة .وقرار لايساعدها فى اخذة الا الله سبحانة وتعالى
دة كلام محدش يختلف علية طبعا .............
لكن المستفز والمستفز جدا بقى هو انك لما تيجى تتناقش فى موضوع "الحجاب" تلاقى حد كدة طعلك بالجملة المشهورة "يعنى هو انتى شايفة لبس البنات دلوقتى دة لبس حجاب" !!!!!!
ساعتها بعرف انو حافظ مش فاهم ...انا متفقة جدا ان بنات كتير محجبة ولبسها مش لبس حجاب ,بس دة مش معناه ان نلخص الحجاب والمحجبات فى البنات دول ولما نيجى نقارن بين المحجبة والى مش محجبة نقارنهم بالبنت الى محجبة ولبسها مش لبس حجاب والبنت الى مش محجبة ولبسها كويسو مغطية جسمها
انا شايفة ان دة بجد قمة الظلم للحجاب نفسة قبل مايكون للمحجبات .
البنت اللى مش محجبة ولبسها كويس مش صح و البنت الى مجحبة ولبسها مش لبس حجاب مش صح بردو ...الاتنين غلط وولا دى بتمثل المحجبات ولا دى بتمثل المش محجبات والاتنين مش موضع مقارنة اصلا لان ببساطة الاتنين غلط ومينفعش نقارن حاجتين غلط نقول انهى فيهم صح!!!!! دة ملوش غير تسمية واحدة (استعباط )
وديما تلاقى البنت الى كانت محجبة وفكت الحجاب الحجة الوحيدة" اصل انا لبسى ماكنش لبس حجاب " لا والله!!!
طب يعنى انتى عارفة كدة ماتعملى الصح بقى تخلى لبسك لبس حجاب مش اقلعى الحجاب !! ساعتها بحس انى شايفة واحد ماشى فى شارع واكتشف ان الشارع غلط بدل مايطلع منة ويدور على الشارع الصح راح رجع لاول الشارع ومشى فية من البداية تانى
انا عايزة اقول ان بجد حرام نظلم فريصة فرضها ربنا عشان غلط ناس دة مش ذنب الحجاب ولا الحجاب هيكون عمرة كدة الحجاب اسمى وارقى واعمق من كدة
رأىى الشخصى"الحجاب الشرعى امان البنت وحمايتها الى ربنا عملهالها ""
وبردوا نفسى البنت الى تشوف لبسها مش لبس حجاب متقلعوش وتحاول تصلح لبسها...خظوة الحجاب نفسو صعبة اة خطوة تعديل البس دى اسهل بكتير فمضيعيش الخطوة الاصعب عشان الاسهل
والناس الى بتبدا كلامها بلبس المحجبات دلوقتى مش لبس حجاب عشان يخلصوا كلامهم ب " وكدة اتبتلك ان حجاب الشعر دة مالوش اى لزمة" ...احب اقولكو متظلموش الحجاب بعمايل ناس قليلة هما يبانوا كتير بس بالنسبة لباقى المحجبات حجاب شرعى هما قليلين فعلا
الناس بقى الى بتقول الحجاب مش فرض اصلا ..احب اقولكوا ............. ولا بلاش هجيب كلام ربنا احسن
قال الله ــ تعالى ــ ( يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض و قلن قولا معروقا . وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا) الاحزاب 32-33

وردة بيضا !! مش متلونة .. وفى نفس الوقت شكلها حلو ومريحة للاعصاب و محدش بيختلف عليها..معملتش فيها وردة حمرة ولا صفرة عشان تعجب الناس :D
كل مرة بسأل نفسى .. لية الناس مش ورد ابيض
يعنى ....
كل واحد يعيش بشخصيتة الى ربنا خلقوا بيها مايتلونش عشان يعجب الناس ..والاهم ان محدش يتلون بالوان النفاق
لية كل واحد ميبقاش وردة بيضا بيعمل الى شايفوا بيقول اللى حاسو بيقول اللى بيحبوا انا بحبك ويقول اللى بيكرهو ماتتعملش معايا انا مش بحبك ..سهلة جدا يعنى مش حاجة صعبة
لية واحد يضحك وهو عايز يعيط لية الواحد يضخك فى وش حد نفسوا يضربوا اصلا
يااااااااااه بجد لو كل الناس بقيت ورد ابيض اد اية الحياة هتبقى صافية والاحاسيس صافية وحتى ضحكت الناس فى وش الناس صافية
يارب يجى اليوم الى اشوف فية الناس بتسلم على بعض عشان بيحبوا بعض بجد مش يادوب تدى ضهرك يتكلم عنك ..لو كل واحد بقى نفسة وخلاة فى نفسة الحياة حتبقى اصفى
..مهما حصل ومهما عشت واكتشفت ان الحكاية دى ادى ونافق تعيش عمرى ماهتخلا عن نظرية الوردة البيضا انا كدة عمل الى عايزة هقول الى حساه هصاحب الى حباه

احبك ربى

على سجادة صلاتى ....استعيد حياتى
على سجادة صلاتى انسى الناس انسى احزانى لانى مع احب من فى قلبى معك ياربى
مهما كانت احلامى مستحيلة على سجادة صلاتى ادعوا لتتحقق واشعر انها ليست عسيرة ...لان من سيخققها لى هو رب العالمين
انى احبك ياربى